Елордада «Еңбек – ел ырысы» тақырыбындағы қарапайым еңбек адамдарына арналған республикалық ақындар айтысы өз мәресіне жетті. «AMANAT» партиясының қолдауымен Мәдениет және ақпарат министрлігі ұйымдастырған дәстүрлі «Алтын домбыра» жыр аламанында бас-аяғы 16 ақын өнер көрсетті.
Өз кезегінде, Мәдениет және ақпарат вице-министрі Арман Жүдебаев көзіқарақты көрермен мен ақындар қауымына шынайы алғысын білдірді.
«Міне, екі күнге созылған аламан айтыс өз мәресіне жетті. Еңбек адамының мерейін үстем еткен ақындарға және оларды қолдап, қостап келіп отырған барша айтыссүйер ағайынға алғыс айтамын», – деді вице-министр.
Осылайша, қазылар алқасының шешімімен бас жүлдені қарағандылық Мақсат Аханов иеленді. Оған «Алтын домбыра» және автокөлік табысталды.
Ал жүлделі 1-орын және «Айтыс ақтаңгері» атағы қызылордалық Мейірбек Сұлтанханға, 2-орын павлодарлық Аспанбек Шұғатайға бұйырды. 3-орынды ұлытаулық Төлеген Жаманов пен Батыс Қазақстан облысынан келген Жансая Мусина өзара бөлісті.
Сондай-ақ, жамбылдық Алина Айдаралы, Батыс Қазақстан облысының айтыскері Мұрадым Мейрланов және алматылық Шұғайып Сезімхан арнайы жүлде иеленді.









Танымалды
-
Қазақстан Республикасының Әзербайжан Республикасындағы мәдениет күндері өтеді.
-
2023 жылғы 16-18 қараша күндері Санкт-Петербург қаласында «IX Санкт-Петербург халықаралық мәдени форумы» өтеді.
-
«Еңбек – Ел ырысы» атты республикалық ақындар айтысы өтеді
-
Республика күніне орай салтанатты концерт өтті
-
«Дарын» мемлекеттік жастар сыйлығына байқау жарияланды