«Қазақ әуендері» акционерлік қоғамы (бұдан әрі – Қоғам) Қазақстан Республикасы Үкіметінің 2005 жылғы 17 қарашадағы № 1132 «ҚР Мәдениет және спорт министрлігінің кейбір кәсіпорындарын қайта ұйымдастыру туралы» қаулысына сәйкес құрылды.
«Қазақ әуендері» акционерлік қоғамы Қазақстан Республикасындағы әлеуметтік маңызы бар және мәдени іс-шараларды ұйымдастыру саласында ең ірі қызмет көрсетуші қоғамның бірі болып табылады.
«Қазақ әуендері» акционерлік қоғамы Қазақстан Республикасының азаматтарын, өскелең ұрпақты эстетикалық және адамгершілікке тәрбиелеуге бағытталған қазақ халықтық музыкалық-поэзия шығармашылығының шығармашылық жетістіктерін, қазіргі заманғы сазгерлердің туындыларын, әлем мәдениетінің үздік үлгілерін насихаттау мақсатында құрылған.
Барлық кезеңдерде мәдениеттің рөлі адамның саналы тіршілік етуінің маңызды саласы ретінде айқындалады. Бұл саланың кадрлық әлеуеті, мамандары біліктілігі республикалық және халықаралық маңызы бар қоғамдық-саяси және мәдени-бұқаралық іс-шараларды өткізуде ең басты фактор болуы керек. Халықтың мәдениетін арттыру, өскелең ұрпақты ұлтжандылыққа тәрбиелеу, ұлттық өнерімізді дәріптеу «Қазақ әуендері» акционерлік қоғамының қызметкерлері арқылы 19 жыл бойы жүзеге асып келеді.
Қоғамның мақсаты – Республика тұрғындарының мәдени және рухани деңгейін арттыру, қазақстандық патриотизм сезімін нығайту, музыкалық өнер әлемімен және жұртшылықты бірегей мәдени мұрамен таныстыру болып табылады.
Осы мақсаттарды жүзеге асыру үшін Қоғам 19 жылдан астам мерекелік іс-шараларды салтанатты концерттер және мәдени-көпшілік іс-шараларды өткізуді, халықаралық ынтымақтастықты және шетелде қазақстандық өнердің үздік жетістіктерін көрсетуді, атақты тұлғалардың мерейтойлық даталарын жоғары деңгейде өткізуді табысты орындап келеді. Бұл салада Қоғам тәжірибелі, техникалық-материалдық жарақталған бірден-бір ұйым болып есептеледі.
Қоғам өткізетін іс-шаралар шеңберінде көрермендерді отандық орындаушылармен таныстыру, қазақ шығармашылығы және қазақ халқының бай мәдени және рухани мұрасын жұртшылыққа таныстыру мақсатында республикамыздың үздік әртістері шақырылады. «Қазақ әуендері» акционерлік қоғамы өткізетін барлық іс-шаралар жоғары деңгейде, Мемлекет Басшысының қатысуымен, сондай-ақ Үкімет мүшелерінің қатысуымен ұйымдастырылып келеді.
«Қазақ әуендері» акционерлік қоғамының негізгі қызметі үш бағытқа бөлінеді:
- Мерекелік іс-шараларды, салтанатты концерттер мен мәдени шараларды ұйымдастыру;
- Халықаралық ынтымақтастық және Қазақстан өнерінің үздік жетістіктерін елде және шетелде таныстыру;
- Көрнекті тұлғалардың мерейтойларын ұйымдастыру;
«Қазақ әуендері» акционерлік қоғамы — Қазақстанның жетекші режиссерлері мен сценаристерін тарта отырып 19 жыл бойы халық әртістерінің, еңбек сіңірген мәдениет қайраткерлерінің, халықаралық және республикалық байқаулар лауреаттарының, эстрада және шоу-бизнес, алыс-жақын шетел жұлдыздарының, шығармашылық ұжымдардың (би, балет группалары, т.б.) және әлеуметтік маңызы бар іс-шараларды ұйымдастырып келеді.
Біздің жетістіктеріміз
