2024 жылғы 1-2 шілде күндері аралығында Ташкент қаласында (Өзбекстан Республикасы) 7 кезеңнен тұратын «The Voice» Халықаралық имидждік жобасының төртінші кезеңі өтеді.
«The Voice» халықаралық имидждік жобасы – таланттардың вокалдық шоуы. Ол әйгілі «The Voice» телешоуының өзбекстандық нұсқасы, голландиялық продюсерден сатып алынған франшизасы.
Жобаның негізгі міндеті – әртүрлі жанрларда ғана емес, сонымен қатар әртүрлі тілдерде ән айта алатын әмбебап вокалистерді іздеу және таңдау. Форматтың қосымша ерекшелігі – жобаның барлық қатысушылары тек дауысқа сүйеніп, бақ сынайтындығы. Бұл ретте жанрлық критерийлердің болмауына байланысты қатысушылар аудитория мен қазылар алқасына джаз немесе рок, сондай-ақ халық әндерін немесе классикалық вокалды орындауда өздерінің вокалдық қабілеттерін көрсете алады.
Аталған «The Voice» Халықаралық имидждік жобасының төтінші кезеңіне Қазақстан Республикасы тарапынан «Дарын» мемлекеттік жастар сыйлығының лауреаты, Роза Бағланова атындағы «Қазақконцерт» мемлекеттік академиялық концерттік ұйымы «Халық қазынасы» ұлттық өнер орталығының солисі Асқар Мұқият қатысады.
Шоуға қатысушылар негізінен белгілі бір шеберлік мектебінен өткен тәжірибелі музыканттар, сондықтан жоба тәлімгерлері оларға репертуар мен стильдік ерекшеліктерін өзгерту, «бұзу» талабын қоймайды, керісінше, телеаудиторияның алдында одан әрі танымалдылыққа ие болып шығармашылығын тиімді іске асыруға мүмкіндік беру үшін орындау мәнері өздеріне ең жақын қатысушыларды таңдауға тырысады.
Танымалды
-
Душанбе қаласында Қазақстан Республикасының Тәжікстан Республикасындағы мәдениет күндері өтті
-
Елордада Ұлттық домбыра күніне арналған мерекелік концерт өтті
-
2024 жылғы 23-27 шілдеде Австриядағы Санкт-Пельтен қаласында Бетховен атындағы Халықаралық скрипкашылар конкурсы өтеді
-
Астананың 25 жылдығына орай OPEN AIR концерті
-
2023 жылғы 7-9 маусым күндері аралығында Сочи қаласы (Ресей Федерациясы) «Зимний» театрында Еуразиялық үкіметаралық кеңес аясында Еуразия халықтарының мәдениет және өнер фестивалі өтті.